Чөлөөт бүсээр дамжуулан импортолж буй өндөгний нийлүүлэлтийг хязгаарлана
Алтанбулаг чөлөөт бүсээр дамжуулан ОХУ-аас 2022 оны эхний зургаан сарын байдлаар хадгалалтын хугацаа нь дуусах дөхсөн, ижил төрлийн импортын өндөгнөөс 30 хувь, дотоодын өндөгнөөс 80 хувь тус тус хямд 6.6 сая ширхэг өндгийг импортолжээ.
Аж ахуйн нэгж өндөг импортлоход гаалийн албан татвар 15 хувь, НӨАТ 10 хувийн татвар төлдөг. Харин Чөлөөт бүсийн тухай хуулийн дагуу өндөг импортлогч аж ахуйн нэгж зорчигчийн нэр дээр бүрдүүлэлт хийж, татварын хөнгөлөлтийг ашиглан Монгол Улсын стандартын шаардлагад нийцээгүй, эрүүл ахуйн горим алдагдсан, их хэмжээний өндөг зах зээлд нийлүүлэх, улмаар дотоодын үйлдвэрлэлийг эрсдэлд оруулах нөхцөл үүсээд байгаа аж.
Иймээс Засгийн газрын өнөөдрийн хуралдаанаар “Чөлөөт бүсээс гаалийн нутаг дэвсгэрт оруулахад гаалийн болон нэмэгдсэн өртгийн албан татвараас чөлөөлөх зорчигчийн худалдаж авсан 3 сая төгрөг хүртэл үнийн дүнтэй барааны нэр төрлийн жагсаалт”-аас “шувууны өндөг”-ийг хасах тухай асуудлыг хэлэлцэж шийдвэрлэсэн байна. Зорчигчийн нэр дээр бүрдүүлэлт хийж, чөлөөт бүсээр нэвтрүүлж байгаа өндөгний нийлүүлэлтийг хязгаарласнаар хэрэглэгчийн эрх ашгийг хамгаалах, шударга өрсөлдөөнийг бий болгох нөхцөл бүрдэнэ гэж холбогдох байгууллагууд үзэж байгаа аж.
Зочин 2022/06/23
Үндэсний үйлдвэрлэлээ ч хатдаа, монголын үйлдвэрүүд УБ-н хэрэглээг хангадаг юм уу? Хил хаахаар тахиа нь өндөглөхөө больчихдог эсвэл үнээ нэмчихдэг үндэсний үйлдвэрлэл яаж хөгжих вэ? Сэргэлэн нэг нь хямд үнэтэй юм оруулаад хааж боогоод хураагаад хогийн нийгэм юм аа
2 0 Хариу бичихЗочин 2022/06/22
Оруулж ирэх нь зөв .хаана бооно гэх юм.оруулж ирэхдээ он сары нь шалгадагүй юм уу
2 0 Хариу бичихГанаа 2022/06/22
Оруулж ирэх нь зөвдөө
3 0 Хариу бичихЗочин 2022/06/22
Монголын дамчид нь үнээ нэмээд эхлэнэ дээ.
2 0 Хариу бичих