С.Амарсайхан: Гангийн хэрэглээнийхээ 50-иас дээш хувийг хангадаг болно

Монгол Улсын Засгийн газраас боловсруулж, УИХ-аар батлуулсан “Шинэ сэргэлтийн бодлого”-д Аж үйлдвэржилтийн сэргэлтийн хүрээнд нэмүү өртөг шингэсэн, импортыг орлох эцсийн бүтээгдэхүүн боловсруулах үйлдвэрүүдийг үе шаттайгаар байгуулах  зорилт тавьсан. Энэ хүрээнд эх орныхоо төмрийн хүдрээр эцсийн ган цувимал бүтээгдэхүүн үйлдвэрлэж, дотоодын зах зээлийг хангах зорилгоор “Монгол ган цогцолбор-I” төслийг хэрэгжүүлэн, жилд 350 мянган тонн ган цувимал үйлдвэрлэх хүчин чадалтай шинэ төмрийн үйлдвэрийн цогцолборыг байгуулахаар болсон. Уг төслийг хэрэгжүүлэхэд тулгамдаж буй асуудлуудыг шийдвэрлэх зорилгоор “Шинэ сэргэлт-Монгол ган” хэлэлцүүлгийг өнөөдөр зохион байгууллаа. Тус хэлэлцүүлэгт Шадар Сайд, Сангийн яам, Эдийн засаг хөгжлийн яам, Уул уурхай хүнд үйлдвэрийн яам, Эрчим хүчний яам, Төрийн өмчийн бодлого зохицуулалтын газар, Дарханы төмөрлөгийн үйлдвэр ТӨХК болон салбар мэргэжлийн холбоодын төлөөллүүд оролцлоо. 

Шадар сайд С.Амарсайхан хэлэлцүүлгийг нээж хэлсэн үгэндээ “Аж үйлдвэрийн салбар бол улс орны эдийн засгийн хөгжлийн гол суурь хөдөлгөгч хүч нь бөгөөд уул уурхайн боловсруулсан бүтээгдэхүүний экспортыг дэмжих, импортыг орлох бүтээгдэхүүний үйлдвэрлэлийг нэмэгдүүлэх, эдийн засгийн хараат бус, аюулгүй байдлыг хангах нь Монгол Улсын хувьд хөгжлийн тэргүүлэх чиглэл юм. Иймд Засгийн газраас тавьсан зорилтуудыг бодитоор хэрэгжүүлэх боломж бүрдсэний нэг илрэл нь Дарханы төмөрлөгийн үйлдвэр дээр хэрэгжиж буй "Монгол ган цогцолбор-I" төсөл юм. Тус цогцолборыг байгуулснаар  эх орны төмрийн хүдрээс ган цувимал бүтээгдэхүүнийг үйлдвэрлэж, дотоодын хэрэгцээний 50-аас дээш хувийг хангах бөгөөд энэ бол барилгын салбарын үндсэн материалын үнийг тогтворжуулах, гадаад валютын урсгалыг Монголдоо хадгалж үлдэх зэрэг эдийн засгийн өндөр ач холбогдолтой юм. Мөн хүнд үйлдвэрийг дагасан жижиг, дунд үйлдвэрүүдийн хөгжих гарцыг нээж, эхний ээлжинд 1900 орчим ажлын байрыг бий болгосноор хэрэглэгч бус "үйлдвэрлэгч орон" болоход нэн чухал үүрэгтэй. Засгийн газраас цаашид аж үйлдвэрийн салбарын хөгжлийг хязгаарлагч эрчим хүч, зам тээвэр зэрэг дэд бүтцийн тулгамдсан асуудлыг шийдэх, салбар хоорондын уялдаа холбоог хангаж ажиллах,  хууль эрх зүйн орчныг сайжруулахад анхаарч ажиллана” гэсэн юм. 

Аж үйлдвэрийн салбарын хөгжилд түүхэн ач холбогдолтой төмрийн  боловсруулах цогцолбор үйлдвэрүүдийн хүрээнд:

  •  Аргалжийн үйлдвэр /644 мян.тн/
  • Хорголжийн үйлдвэр /400 мян.тн/
  • Коксын үйлдвэр /200 мян.тн/
  • Домен зуухны үйлдвэр /400 мян.тн/
  • Гангийн үйлдвэр зэрэг олон талт бүтээн байгуулалт өрнөх юм.

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (5)

  1. ee medehgui . ene tisliin ner ni hvrtel muulaad baidag sahaliin ogson Mongol gan tsogtsolbor-1 heveeree baihiin. Ter chigeer ni zurag toslii n aashchihaj de

    0 0 Хариу бичих
  2. Сайхан хуцах юм даа. Өөрт нь ярих л эрх байгаа. Зүгээр л мөнгө идэх арга даа. Үнэхээр хийхээр бол эхлээд боловсон хүчнээ буюу инжёнёрүүдээ, дараа нугаршгүй хатууг үзэхээр техникийн ажилчидаа бэлдэх гээд их ажил байна даа. Зааж чиглүүлэх чадвартай багш нар Монголд байгаа шүү. Энэ засгийн газар металл хайлуулаад ядаж барилгын арматуран хийгээд эхлэвэл би дөрвөн мөчөө өргөөд намайг дагадаг хэдэн инжёнёрээ энэ ажил руу дагуулаад орноо

    0 0 Хариу бичих
  3. Barisniih ni daraa l itgei. Barih gj bantagnuulna aa

    0 0 Хариу бичих
  4. Маш зөв. Сахалд буцааж өгч үл болно

    1 1 Хариу бичих
  5. энэ төслөө амжилттай болговол дотоодын аж үйлдвэрийн хувьд маш их хэрэгтэй зүйл болох нь ээ. Төмөр одоо хичнээн үнэтэй байгаа гэж бодноо.

    1 0 Хариу бичих