"29 мянган хүүхдийг цэцэрлэгт нэмж элсүүлэх боломж бий"
Монгол Улсын Ерөнхий сайд Л.Оюун-Эрдэнэ хичээлийн шинэ жилийн нээлтийн энэ өдөр зарим сургууль, цэцэрлэгийн үйл ажиллагааттай танилцаж байна.
Тэрбээр эхлээд Баянзүрх дүүргийн “Нарны үрс” цэцэрлэгт очлоо. Тус цэцэрлэг нь 2015 онд ашиглалтад орсон, 160 хүүхэд хүлээн авах хүчин чадалтай, нэмэлт элсэлтэд 60 хүүхэд хамруулан сургуулийн өмнөх боловсрол олгох ажээ.
Энэ жил 111.542 хүүхэд цэцэрлэгт хамрагдах хүсэлт цахимаар ирүүлж, 90 гаруй хувь нь цэцэрлэгтээ элсэн оржээ. Нэмэлт элсэлтийг энэ сарын 10-наас бүртгэн, цэцэрлэгт хуваарилж бүх хүүхдийг цэцэрлэгт хамруулах Засгийн газрын зорилт ажил хэрэг боллоо. Нэмж 29 мянган хүүхэд цэцэрлэгт авах боломж байгаа юм.
Сугалаагаар цэцэрлэгт хамрагддаг, бүртгүүлэх гэж эцэг эхчүүд хонон өнжин дугаарладаг байдал энэ хичээлийн жилээс ариллаа.