Н.Учрал: 74 төрлийн лавлагааг нотариатаар батлуулах шаардлагагүй

Иргэний үнэмлэх, жолооны үнэмлэх, төрсний гэрчилгээ, гэрлэлтийн гэрчилгээ, нас барсны гэрчилгээ, нийгмийн даатгалын шимтгэл төлөлт зэрэг 74 төрлийн лавлагаа, тодорхойлолтыг нотариатаар баталгаажуулах үйлдлийг халж байгааг ЦХХХ-ны сайд Н.Учрал хэллээ. Тэрээр "Иргэний үнэмлэх, жолооны үнэмлэх, төрсний гэрчилгээ, гэрлэлтийн гэрчилгээ, нас барсны гэрчилгээ, нийгмийн даатгалын шимтгэлийн дэвтрийг төрөөс иргэнд өгсөн. Гэвч бүх төрлийн ТҮЦ машин, киоск, И-Монголиа системээр таниад эдгээр баримт бичгийн хуулбарыг авч байхад нотариат үүнийг дахин баталгаажуулаад байгаа нь зохимжтой биш гэдгийг иргэд хэлж байна. Үүнийг таслан зогсоох зорилгоор Нотариатчидын танхимтай зөвшилцсөний дагуу төрийн үйлчилгээний нэгдсэн систем буюу И-Монголиа-гаар дамжуулан авдаг лавлагаа, тодорхойлолтуудыг нотариатаар гэрчлүүлэх шаардлагагүй болсныг олон нийтэд мэдээлж байна" гэв.

Иргэний үнэмлэх, жолооны үнэмлэх, төрсний гэрчилгээ, гэрлэлтийн гэрчилгээ, нас барсны гэрчилгээ, иргэний оршин суугаа хаягийн бүртгэлийн тодорхойлолт, нийгмийн даатгалын шимтгэл төлөлт зэрэг 74 тооны тодорхойлолтыг энэ цагаас хойш заавал нотариатаар батлуулахыг шаардахгүй болж байна гэсэн үг. Төрийн байгууллага, албан хаагчид эдгээр лавлагаа, тодорхойлолтуудыг нотариатаар батлуулах шаардлага тавивал 11-11 төвд мэдэгдэх боломжтойг тэрбээр сануулав.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (2)

  1. Угаасаа баталдаггүй бсан шдээээ

    0 0 Хариу бичих
  2. Баяраллаа ажил хөнгөвчилж өглөө нотлоод гэж мөнгө үрэхгүй амар боллоо баяраллаа гишүүндээ

    0 0 Хариу бичих