О.Сийлэгмаа: Ажлын санал тавьсан ч Боловсролын зээлийн санд очихоос айж байна
Боловсролын зээлийн санд ажиллаж байгаад орон тооны цомхотгол нэрээр 2022 оны есдүгээр сард ажлаасаа чөлөөлөгдсөн О.Сийлэгмааг буцаан томилохоор болжээ.
Тэрээр Боловсролын зээлийн сангаас гадаадын их сургуульд суралцагчдад олгодог сургалтын төлбөрийн зээлийг шалгуур хангаагүй хүмүүст өгдөг, мэдээлэлд ойр улс төрийн хүрээнийхний хамаарлууд зээл авдаг, эргээд шалгуур болзол хангаагүй хүмүүсийн зээлийг үе үеийн Боловсролын сайд нар тушаал гаргаж чөлөөлдөг зэрэг олон асуудлаар шүгэл үлээсэн юм. Тодруулбал, 2013-2022 оны хооронд Боловсрол, шинжлэх ухааны сайд байсан хүмүүс тушаал гаргаж, ойролцоогоор 22 сая ам.долларын зээлийг тэглэсэн. Зээл тэглэлт бол тэр чигээрээ зөрчил гэдгийг мэдээлсэн юм. Гэсэн ч энэ бүхнийг илчилсэн учир ажлаасаа чөлөөлөгдсөн гэдгээ ч илэрхийлсэн.
Тэгвэл түүнийг ажилд нь буцаан томилохоор болжээ. Түүгээр ч зогсохгүй БЗС-гийн асуудлыг шалгах ажлын хэсэгт ажиллахыг санал болгосон байна.
Энэ талаар БШУ-ны сайд Л.Энх-Амгалан "Өчигдөр О.Сийлэгмаатай уулзаж, буруу ташаа мэдээллийг залруулж, албан ёсоор уучлал гуйж, хуучин албаны даргын албан тушаалд буцааж томилох үүргийг өгсөн. Мөн БЗС-нд Сангийн яам болон манай яамны хамтарсан шалгалтын ажлын хэсэгт орж ажиллах саналыг тавьсан. Асуудлыг зөв болгохын тулд ширээний 2 талд биш ширээний 1 талд суугаад хамт зөв болгох ёстой" гэсэн байна.
Харин О.Сийлэгмаа сайдын саналаас татгалзсан байна. Тэрээр энэ талаар өөрийн цахим хаягаар дамжуулан олон нийтэд мэдээлжээ. Ингэхдээ "Сайд уучлал гуйсан нь үнэн. Уучлалт гуйсанд баярлалаа. Тэр дайны соёл байх байлгүй дээ гэж харж байсан. Ажлын санал тавьсан ч Боловсролын зээлийн санд очихоос айж байгаагаа
хэлсэн. Тэдэнтэй шүүхдэлцсэн. Одоо ч тэднээс цахимд доромжлол гүтгэлэг ирж л байна. Ажиллаж байхдаа ирүүлсэн, тайлангаа сайдад өмнө нь хүргүүлсэн. Шүгэл нэгэнт үлээсэн. Тохиролцсон зүйл байхгүй" гэжээ.
Zochi 11 өдрийн өмнө
Буцаж ажилдаа орох нь эрсдэлтэй. Мэдээж зүгээр ажлыг нь хийлгэхгүй. Нэг асуудалд гүтгэж болсон болоогүй нэг баримтаар ажлаас халах өө хайж байгаад шүүхдэх эрхгүй болгох муйхар арга хэрэглэх гэж байна. Шүгэл үлээгчийн хувьд хувь хүний аюулгүй байдал чухал учраас одоо байгаа баримт дээрээ шүүхдээд ялах нь чухал байна. Хувь хүний хувьд маш зарчимч мундаг хүн байна лээ. Буцаж ажилдаа орохгүй байх нь зөв шйдвэр гэж бодож байна
0 0 Хариу бичихЗочин 12 өдрийн өмнө
шударга ёс гэж байдаг бол чухам энэ хүнийг сайд болгох хэрэгтэйшд
0 0 Хариу бичихIrgen 12 өдрийн өмнө
Idej uuh hulgailah yamar bolomj bn bugded ulun tsarailj, hanaj tsadahaa medehgui shunaltanguudiig bugdiig shuuh tsag ireh bhaa, ard irged ni suhurch elgeeree hevtej bhad nuden balai chihen dulii deeguur seveed bugd undruus unah tsag ni bsoooon
1 0 Хариу бичихиргэн 12 өдрийн өмнө
зөв шүү төлбөр тооцоо нь хиигдэг хяналт саын тавиад яг одоо очиж хэрэггүй шүү
0 0 Хариу бичихЗочин 12 өдрийн өмнө
новшнуудын идэж ууж ханахгүй бүх ардын баялагыг өлөнгөө дараагүй зангаараа самраад байгааг чин хүн ёсоор хэлж бна.бүгд хариуцлагаа хүлэээ
0 0 Хариу бичихГанаа 12 өдрийн өмнө
Маш зөв шүү
0 0 Хариу бичих