Таксины жолоочийн биед халдан тээврийн хэрэгслийг нь авч зугтсан этгээдийг илрүүлжээ
Цагдаагийн байгууллагад урд шөнө буюу 2023 оны тавдугаар сарын 26-ны 00 цаг 10 минутад Архангай аймгийн Эрдэнэбулган сумын 5 дугаар багт “Бусдад зодуулсан” гэх дуудлага, мэдээлэл бүртгэгджээ. Тус аймгийн цагдаагийн газраас шалгалтын ажиллагаа явуулахад 49 настай, эрэгтэй Toyota маркийн тээврийн хэрэгслээр такси үйлчилгээнд явж байхад 31 настай, эрэгтэй “Ц” гэгч жолоочийн биед халдаж, тээврийн хэрэгслийг нь авч зугтсаныг шуухай эрэн сурвалжилж илрүүлжээ. Одоогоор мөрдөн шалгах ажиллагаа явуулж байгаа юм.
Иймд иргэд та бүхэн архи, согтууруулах ундаа хэтрүүлэн хэрэглэхгүй байх, хэрэглэсэн үедээ хэрүүл маргаан үүсгэхгүй байж гэмт хэрэг, зөрчилд өртөж хохирох, холбогдохоос урьдчилан сэргийлэхийг цагдаагийн байгууллагаас анхааруулж байна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.