Улаанбаатар хотод Дэлхийн стандартад нийцсэн түрээсийн дугуйн үйлчилгээ энэ зун нэвтэрнэ

Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны хөтөлбөрт “Дугуйн зам” дэд хөтөлбөр хэрэгжүүлэхээр тусгасан. Энэхүү дэд хөтөлбөрийн хүрээнд хотын дугуйн замын сүлжээг өргөтгөж, өндөр хөгжилтэй хотуудын жишигт нийцсэн “Түрээсийн дугуйн үйлчилгээ” бий болгох зорилт тавин ажиллаж байгаа билээ. Түрээсийн дугуйн үйлчилгээ нь автомашины түгжрэл, агаарын бохирдлын эсрэг хийх үр дүнтэй алхам төдийгүй иргэдийн эрүүл мэндийг сайжруулахад чиглэсэн бодит ажил болох нь дэлхийн олон хотын туршлагаар батлагдсаар байна. Өнөөдрийн байдлаар дэлхийн 600 гаруй хотод түрээсийн дугуйн үйлчилгээ амжилттай хэрэгжиж байгаа бөгөөд  энэхүү хямд, ухаалаг тээврийн хэрэгсэл их хотын иргэдийн үйлчлүүлэх дуртай тээврийн хэрэгсэл болсоор байгаа юм.

Тиймээс Нийслэлийн Засаг дарга бөгөөд Улаанбаатар хотын Захирагч С.Батболд 2017 оны гуравдугаар сард “Төр хувийн хэвшлийн түншлэл”-ийн хүрээнд түрээсийн дугуйн “UBIKE” төслийг хэрэгжүүлэхээр сонгон шалгаруулалт зарласан. Тэгвэл өнөөдөр “Ubike” төслийн сонгон шалгаруулалтын дүн гарч Нийслэлийн Засаг даргын Тамгын газар төсөл хэрэгжүүлэгч байгууллагыг зарлаж, хамтран ажиллах гэрээ байгууллаа. Энэхүү сонгон шалгаруулалтад “Никель ганбаа” ХХК, “Петровис” ХХК, Хас банктай хамтарсан консерциум ялалт байгуулж, Улаанбаатар хотын Түрээсийн дугуйн “UBIKE” төслийг хэрэгжүүлэхээр гэрээ байгуулж байна.

“Никель Ганбаа” ХХК, “Петровис” ХХК, Хас банкны хамтарсан консерциум нь “UBIKE” төслийг 3 үе шаттай хэрэгжүүлэх бөгөөд 2018-2020 онд 150 зогсоолтой 2000 ширхэг ундаг дугуй, 2021-2026 онд 250  зогсоолтой 2500 ширхэг цахилгаан унадаг дугуй,  2027-2033 онд  5000 ширхэг бүрэн цахилгаан дугуйг үйлчилгээнд нэвтрүүлэх төлөвлөгөөтөй ажиллаж байгаа юм. Мөн энэхүү төсөлд ашиглагдах дугуйнуудын хувьд дэлхийн стандартын дагуу Монгол Улсад үйлдвэрлэсэн, төлбөр, тооцоо болон хяналтын бүрэн ухаалаг системтэй байх бөгөөд  иргэдийн аюулгүй байдлыг бүрэн хангасан байх болно гэдгийг төсөл хэрэгжүүлэгч байгууллагууд онцлов. 2018-2020 онд хэрэгжих төслийн хугацаанд байгуулах 150 зогсоолын  2 нь анхан шатны завсар үйлчилгээ хийх төв зогсоолууд байх юм байна. 

“Никель Ганбаа” ХХК-ийн гүйцэтгэх захирал Г.Дашням “Төслийн хүрээнд эхний ээлжид 43 байршилд түрээсийн 500 дугуй байршуулна. Түрээсийн дугуйн төлбөр 30 минутад 500, нэг цагт 800 төгрөг байх юм. Иргэд ХасБанкны “Qpay” үйлчилгээг ашиглаж, гар утасаараа дугуйны суудлын дор байрлах QR кодыг уншуулан төлбөр төлснөөр дугуйны түгжээ автоматаар тайлагдана. Түүнчлэн унадаг дугуйг хулгайд алдагдахаас сэргийлэх зорилгоор тус бүрт нь JPS төхөөрөмж суурилуулсан байна. “Никель Ганбаа” компани нэг унадаг дугуйг JPS төхөөрөмж, ухаалаг цоож, QR код зэргээр тоноглоход нийт 400 мянган төгрөг зарцуулсан бөгөөд цаашдаа засвар, үйлчилгээг бүрэн хариуцна” гэлээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (11)

  1. Их юм хийждээ хятадад толгойны өвчин болоод байгаа хаана хаяхаа мэдэхгүй хотын нь гудамжуудаар хог болоод байгаа шдээ энэ тэнд овоолоод хаяцан энэ дугуйнуудыг тэр хогын тэр хогын хэдэн төгрөг авч авчирч булшлах замаар ард түмнийхээ халааснаас хэдэн төгрөгийг нь авч өөрийнхөө халаасандаа хийхэндээ хотын мээр гуай

    1 0 Хариу бичих
  2. reklam hii

    0 0 Хариу бичих
  3. iim zuiliig ih baga hemjeegeer newtruulj ur dung ni harah heregtei gehdee mongo ugaah heregcel bolchihguil bol

    0 0 Хариу бичих
  4. Зөв

    0 0 Хариу бичих
  5. Нөгөө хэдэн дугуйг нь хулгайлаад дуусах байх даа.Хулгайч сэтгэхүйтэй хүн олон байдаг.

    0 0 Хариу бичих
  6. Естой зөв амжилт хүсье

    0 0 Хариу бичих
  7. аюулгүй байдал талаас нь маш сайн төлөвлөж хийхгүй бол зам тээврийн осол аваар их гарах байх, хүүхдүүд залуучууд маш болгоомжтой байх хэрэгтэй.

    0 0 Хариу бичих
  8. Bolj bna shdee. Hiij bj l yu dutuug ni olno sh dee. Amjilt.

    0 0 Хариу бичих
  9. хотын зарим хэсэгт дугуйтай хүн битгий хэл, явган хүнд ч алхах газар байхгүй болчихоод байгааг харахгүй бна гэж үү ????????????

    1 0 Хариу бичих
    • Чи битгий хуц муу хар сөрөг энергитэй новшоо дугуй унах газар зөндөө байна

      1 0
  10. JPS төхөөрөмж? GPS биздээ

    3 0 Хариу бичих

ЭНЭ ТУХАЙ