Гурван улсын аялал жуулчлалын сайд нарын уулзалт болж байна

Монгол, ОХУ, БНХАУ-ын Аялал жуулчлалын сайд нарын уулзалт өнөөдөр Улаанбаатар хотноо эхэллээ. Уулзалтад манай улсаас Байгаль орчин, аялал жуулчлалын сайд Н.Цэрэнбат, БНХАУ-аас Соёл, аялал жуулчлалын сайд Ло Шуган, ОХУ-аа Холбооны аялал жуулчлалын агентлагийн дарга Олег Сафонов нар оролцож байна.

Сайд нар хил дамнасан аялал жуулчдын урсгалыг нэмэгдүүлэх, тэдэнд үзүүлэх үйлчилгээг чанаржуулах асуудлаар яриа, хэлэлцээр хийх юм.

Уул уурхайгаас ихээхэн хамааралтай манай улсын хувьд аялал жуулчлал нь эдийн засгийн нэгэн тулгуур болохуйц ирээдүйтэй салбар гэж тооцогддог. Энэ салбарыг хөгжүүлэхийн тулд хоёр хөршийн аялал жуулчалын салбарын бодлогыг тодорхойлогч хүмүүстэй уулзалт хийх нь өндөр ач холбогдолтой юм.

Уулзалт хэлэлцээр маргааш үргэлжилнэ.   


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)