Байгаль орчин, аялал жуулчлалын сайд Н.Цэрэнбат Франц улсад айлчилжээ

БОАЖ-ын сайд Н.Цэрэнбат энэ сарын 13-17-нд БНФУ-д ажлын айлчлал хийжээ. Тэрээр айлчлалынхаа үндсэн зорилгын хүрээнд ЮНЕСКО-гийн олон улсын усны хуралд Засгийн газраа төлөөлөн оролцсон бөгөөд хуралд оролцох үеэрээ ЮНЕСКО-гийн Ерөнхий захирал Одри Азулэи, тус байгууллагын дэд захирал Синг Цюй болон хуралд оролцож буй бусад орны Байгаль орчин, усны асуудал эрхэлсэн сайд нартай уулзсан байна. ЮНЕСКО-гийн Ерөнхий захирал Одри Азулэитэй уулзах үеэрээ Н.Цэрэнбат сайд өөрийн санаачилсан “Ногоон паспорт”-ыг түүнд гардуулжээ.

Мөн тэрээр ЮНЕСКО-гийн хэвлэлийн албанд ярилцлага өгч, манай орны ус болон байгаль орчны тулгамдаад буй асуудлууд, тэдгээрийг шийдвэрлэхээр авч хэрэгжүүлж буй арга хэмжээнүүдийн талаар танилцуулжээ. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)