"U23" ДАШТ: Н.Анударь хүрэл медаль хүртлээ

Унгарын нийслэл Будапешт хотноо болж буй 23 хүртэлх насны чөлөөт бөхийн ДАШТ-ий эмэгтэйчүүдийн 53 кг-ын жинд ОУХМ Нандинцэцэгийн Анударь хүрэл медаль хүртлээ. Манай бөх медалийн төлөөх барилдаанд Беларусийн Катарина Печковскаяг 10:0 оноогоор цэвэр хожив.

Тэрбээр өчигдөр хагас шигшээд энэ жил насанд хүрэгчдийн ДАШТ-д түрүүлсэн, Японы Харүна Окүнод 4:0-ээр дийлдсэн юм.

ДАШТ-ий 65 кг-д барилдаж буй өсвөр үе болон 23 хүртэлх насны Азийн аварга, залуучуудын хүрэл медальт, Баянхонгор аймгийн тамирчин ОУХМ Өлзийсайханы Пүрэвсүрэн өчигдөр хагас шигшээд өсвөр үеийн ДАШТ-ий хүрэл медальт, өсвөр үе, залуучууд, 23 хүртлэх нас, насанд хүрэгчдийн Азийн АШТ-ий медальт, Казахстаны Мадина Бакбергеноваг 7:0-ээр ялж алтан медалийн төлөө өрсөлдөх болзол хангасан. Манай бөх хэдхэн барилдааны дараа дэлхийн аваргын төлөө Японы Мисүзү Ёномототой барилдана.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)