Цэцийн даргыг Н.Чинбат орлоно

Үндсэн хуулийн Цэцийн дарга Д.Одбаяр БНСУ-д 10 хоногийн хилийн хориг тавиулаад байна. Солонгосын хэвлэлүүд орон нутгийн шүүхээс баривчлах ёстой гэж үзэж байгаа тухай мэдээлэл ч гарч эхэллээ. Ямартай ч Үндсэн хуулийн Цэцийн дарга 10 хоног эзгүй байх нь. Тэгвэл энэ хугацаанд түүнийг хэн орлох вэ. Цэцийн тухай хуульд энэ талаар тодорхой заажээ. Тус хуулийн зургадугаар зүйлийн зургаад “Цэцийн даргын түр эзгүйд Цэцийн бүрэлдэхүүнд хамгийн удаан ажилласан гишүүн, хэрэв энэ шаардлагыг хэд хэдэн гишүүн нэгэн адил хангасан байвал тэдгээрийн хамгийн ахмад гишүүн Цэцийн даргын үүргийг түр орлон гүйцэтгэнэ” гэж заасан байна.

Үндсэн хуулийн Цэцийн гишүүдээс дээрх шаардлагыг Н.Чинбат гишүүн хангаж байгаа юм. Тэрээр хоёр дахь удаагаа Үндсэн хуулийн Цэцийн гишүүнээр томилогдон ажиллаж байна. Тодруулбал, 1998-2004 онд Цэцийн гишүүнээр ажиллаж байсан бол 2017 онд дахин томилогдсон. Харин бусад гишүүнийх нь тухайд анх удаа Цэцийн гишүүнээр томилогдон ажиллаж байгаа хүмүүс юм.

Үндсэн хуулийн Цэцийн даргыг Цэцийн гишүүд дундаасаа сонгодог бөгөөд Д.Одбаярыг 2017 оны зургадугаар сарын 14-нд сонгосон. Цэцийн тухай хуулийн зургадугаар зүйлийн гуравт “Цэцийн даргын бүрэн эрхийн хугацаа гурван жил байх бөгөөд түүнийг нэг удаа улируулан сонгож болно” гэсэн заалт бий. Харин Д.Одбаяр даргын тухайд ирэх жил улиран сонгогдох байтугай Цэцийн гишүүнээр ажиллах эсэх нь ч эргэлзээтэй болоод байна.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (4)

  1. Ийм хариуцлагатай өндөр албаны нөхдүүд хариуцлагагүй худлаа мэдэгдэл хийж ард түмнээ доромжилж олон улсад улс орныхоо нэрийг шившиглэж байгаа тул бүрэн бүрэлдэхүүнээрээ огцрох ёстой!!!

    0 0 Хариу бичих
  2. ҮХЦ-ынхэн Бүрэн бүрэлдэхүүнээрээ Огцорох ёстой Дарга тийм Эвгүй Асуудалд орооцолдоод байхад ҮХЦ-ын яаран сандран Даргынхаа Үйлдсэн Гэм нүглийг Ард иргэдээс Нууж хааж Мэдэгдэл гаргаж энэ Худлаа мэдээ Үнэнтэй нийцэхгүй Хариуцлагатайгаар Мэдэгдэж байна энэ тэр гэсэн Ташаа МЭДЭГДЭЛ гаргаж Гэмт хэргийг нуун далдлах гэсэн оролдлого ҮХЦ гаргасан учраас ҮХЦ-ыг нэн Яаралтай Бүрэн бүрэлдэхүүнээр нь Огцоруулах хэрэгтэй

    1 0 Хариу бичих
  3. ta bas hariutslagagui medegdel hiisen uchraas daraa n ogtsor. Tsets bugdeeree ogtsor pizdanuud

    0 0 Хариу бичих
  4. uuruu huseltee uguud ogtsroh blgui dee, huulias gadna es zui gej yum hun turulhtund bdag biz dee, esvel mongol uls tusgai, mongol hund es zui gedeg yum hamaagui bdgiim uu

    0 0 Хариу бичих