Их, дээд сургуулийн төлбөр нэмэгдэхгүй

2020-2021 оны хичээлийн жилд МСҮТ, их, дээд сургуулийн лекцийг 100 хувь цахимаар явуулахаар болжээ. Харин дадлагын ажил, семинар, лабораторийн ажлууд танхимаар явагдах бөгөөд анги дүүргэлт 20 байна. 

БШУЯ-ны Дээд боловсролын газрын даргын албан үүргийг түр орлон гүйцэтгэгч Г.Батнэмэх "Энэ хичээлийн жилд 150,000 орчим оюутан их, дээд сургуульд суралцах тооцоололтой байна. Үүнээс бакалаврын хөтөлбөрт 120,000 орчим оюутан суралцана.

Их, дээд сургуулийн сургалтын төлбөрийг сургуулийн удирдах зөвлөл хуралдан шийддэг. Сургалтын төлбөр энэ хичээлийн жилд нэмэгдэхгүй.

Их, дээд сургуулийн лекцийн хичээлүүд есдүгээр сарын 1-нээс цахимаар явагдаж эхэлнэ. Аравдугаар сарын 5-наас лаборатори, семинарын хичээл танхимд хичээллэнэ" гэлээ.