Сэрэмжлүүлэг: Хиймэл нууранд нэг хүн живж, нас баржээ

Баянхонгор аймгийн Шинэжинст сумын ’Эхийн гол’’ гэдэг газарт хүнсний ногооны талбай усалдаг 5-6 метрийн гүнтэй хиймэл нууранд нэг хүн живж, нас баржээ. Тодруулбал, хиймэл нууранд хоёр хүн сэлж байснаас иргэн П /17 настай, эрэгтэй/ живсэн тухай дуудлагыг наймдугаар сарын 9-ний өдрийн 17:52 цагт ОБЕГ хүлээн авсан байна. Тус аймгийн Онцгой байдлын газрын алба хаагчид 19.23 цагт Шинэжинст сумын чиглэлд явсан бөгөөд 05.50 цагт очиж эрэн хайх ажиллагааг зохион байгуулжээ. Улмаар 07.18 цагт нуурын эргээс 40 метрт, гурван метрийн гүнээс цогцсыг гаргаж  тус сум дахь Цагдаагийн хэсгийн төлөөлөгчид шилжүүлэн өгсөн байна.

Түүнчлэн амралтын өдрүүдэд Баянзүрх дүүргийн гүүр орчимд, Хэнтий аймгийн Биндэр сум, Дорнод аймгийн Хэрлэн сум, Төв аймаг, Өндөрширээт суманд усанд хүн осолдсон тухай дуудлага ОБЕГ-т иржээ. Эдгээр газарт эрэн хайх ажиллагаа явуулсан боловч үр дүнд хүрээгүй тул өнөөдөр эрэн хайх ажиллагааг дахин эхлүүлсэн байна.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)