Шатахуун тээвэрлэж явсан автомашин осолджээ

Сэлэнгэ аймагт шатахуун тээвэрлэж явсан автомашин осолджээ. Тодруулбал, тус аймгийн Мандал сумын Хэрх багийн нутагт Улаанбаатар хотоос Ерөө сумын чиглэлд 28 тонн шатахуун тээвэрлэж явсан “Норд бенз” загварын ачааны автомашин замын хажуу руу унасан байна. Энэ тухай дуудлагыг ОБЕГ өчигдөр 10.08 цагт хүлээн авчээ.

Улмаар тус сум дахь Гал түймэр унтраах, аврах 19 дүгээр ангийн алба хаагчид 10.35 цагт очиж автомашины шатахууны хоолойгоор түлш дусалж байсныг зөөврийн сав ашиглан авч аюулгүй байдлыг хангуулан ажилласан байна. Өнөөдөр тус автомашинд байх дизель түлшийг шилжүүлэн ачих, автомашиныг татан босгох ажиллагааг зохион байгуулах юм байна. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (1)

  1. Энэ замыг 19 онд ашиглалтанд өгөнө гээд байсан СЬЮ ШҮ ЖАН сая Говь-Алтайд зам нээгээд дээлтэй навсайгаад явж байсан .

    0 0 Хариу бичих