2169 тонн хог хаягдлыг булж, устгажээ

Нийслэлийн мэргэжлийн хяналтын газраас төвлөрсөн гурван хогийн цэг, хог хаягдал цэвэрлэх, цуглуулах, тээвэрлэх үйл ажиллагаа эрхлэгч 17  аж ахуйн нэгж байгууллагын хог хаягдлын тээвэрлэлтэд шалгалт хийж байна. 

Нарангийн энгэр, Цагаан даваа, Морингийн энгэрийн төвлөрсөн хогийн цэгт 1688 тн хог хаягдал хүлээн авч 2169 тн хаягдлыг булж устгасан.

Өчигдрийн байдлаар хог хаягдлыг тээвэрлээгүй, зориулалтын бус газар хаясан нийт 58 зөрчил илэрч, тээвэрлэлтийн компаниудад мэдэгдэж, газар дээр нь 45 зөрчил буюу 77 хувийг арилгуулсан байна.

Хог хаягдал цэвэрлэх, цуглуулах, тээвэрлэх чиглэлээр үйл ажиллагаа явуулж буй аж ахуйн нэгж байгууллагууд нь ажилчдын биеийн халууныг өдөр бүр шалгаж бүртгэл хөтөлж хэвшсэн ба сэжигтэй тохиолдол илрэхэд тусгаарлах өрөөг бэлтгэсэн байна. Мөн нэг удаагийн хамгаалах хувцас, бээлий, маскаар ханган ажиллаж байгаа боловч "Баянгол шинэ өргөө" ОНӨААТҮГ, "Чингэлтэй ТҮК", "Сүхбаатар дэвшил" ОНӨААТҮГ, "Сонгинохайрхан тохижилт цэвэрлэгээ үйлчилгээ" ОНӨААТҮГ, "Тээвэр үйлчилгээний төв" ОНӨААТҮГ-ын нэг удаагийн хамгаалах хувцасны нөөц багатай байна. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)