ЭМЯ: Сэлэнгэ аймагт хоёр хүнээс коронавирус илэрлээ

Арваннэгдүгээр сарын 11-нд манай улсад анх коронавирусийн дотоодын халдвар бүртгэгдсэн. 9239 хүнийг хавьтлаар илрүүлэн 115 тохиолдлыг илрүүлэн эмчлэх арга хэмжээг авч байна. 

ХӨСҮТ-ийн Тандалт, судалгааны албаны дарга А.Амбасэлмаа "Өнөөдрийн 11.00 цагаас хойш ХӨСҮТ-ийн 426 хүнд шинжилгээ хийсэн. Үүнээс Сэлэнгэ аймагт хийсэн шинжилгээнд хоёр хүнээс коронавирус илэрлээ. 

Улсын хэмжээнд өглөө 11:00 цагаас хойш 

  • Улаанбаатарт 33 
  • Сэлэнгэ аймагт 53
  • Орхон аймагт 13
  • Дархан-Уул аймагт 16
  • Дорноговь аймагт 6
  • Говьсүмбэр аймагт 1
  • Улаанбаатар хотод УБТЗ-ын харьяаны 4 хүн

Улаанбаатар болон орон нутгуудад гарсан халдварын тохиолдол нийтдээ 122 боллоо.

Улаанбаатар хотын 33 тохиолдол эхний батлагдсан тохиолдлоос гэр бүлийн ойрын хавьтал 13 хүнээс илэрсэн. Тухайн голомтоос 3 хүн караокед орсны улмаас 6 хүнд тараасан байна. Нийтдээ караокегоос улбаатай 18 тохиолдол байна. Нэг орцны 20 айлын 60 гаруй хүнийг шинжлэхэд тэндээс 6 хүнээс коронавирус илэрлээ. Энэ караокед 11 сарын 9-нд үйлчлүүлсэн болон Эмоци продакшны тоглолт үзсэн, УБ паласт тоглолт үзсэн иргэд онцгой анхаарч шинжилгээ өгөхийг уриалж байна. 

Өнөөдөр ХӨСҮТ-ээс хоёр хүн эдгэрч гарлаа. 

Монгол Улсад коронавирусийн батлагдсан нийт тохиолдол 557, эдгэрсэн 337 байна" гэв.

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)