Цусны даралт ихтэй хүний зайлшгүй хэрэглэх 4 хүнс

Артерийн гипертензи буюу цусны даралт ихдэлт нь манай улсад төдийгүй дэлхий нийтэд насанд хүрэгчдийн дунд хамгийн их тархсан архаг эмгэг юм. Сүүлийн үед цусны даралт ихсэх эмгэг улам залуужсаар байна. Тиймээс цусны даралт нь ихэсдэг хүмүүс доорх дөрвөн төрлийн хүнсний ядаж гурвыг нь өдөр тутамдаа хэрэглэж заншвал даралт ихдэлтээс үүдэлтэй эрсдэлээс сэргийлэх боломжтой. Үүнд:

Тослог багатай сүү

Тослог багатай сүү хэрэглэснээр та кальци болон Д амин дэмийн хэрэглээгээ бүрэн нөхөж чадна. Сүү нь даралт ихсэлтийг 5-10 хувиар бууруулдаг.

Бууцай

Бууцай нь организмаас илүүдэл хог шаар, хорыг гадагшлуулахад тусалдаг бөгөөд фолийн хүчлийн агууламж өндөртэй. Энэ ногооны бас нэг тустай тал нь капилляр судсыг бэхжүүлж, судас хатуурлын эсрэг үйлдэлтэй учраас цусны даралтыг бууруулах нөлөө үзүүлдэг.

Наранцэцэгийн үр

Наранцэцэгийн үр нь мэдрэлийн тогтолцооны үйл ажиллагаанд чухал хэрэгцээт Е амин дэм, никотины хүчил, кали, магнийн эх үүсвэр юм. Хавдарын эсийн хөгжлийн хурдыг сааруулах үйлчилгээтэй мөн Арьс, үс, хумсны гоо сайхан болон эрүүл байдлыг дэмжинэ.

Улаан вандуй

Улаан вандуй нь илчлэг болон тослог багатай бөгөөд уургийн эх үүсвэр болдог ба биен дэх сахарын төвшинг барьж биеийн жинг тогтмол байлгах гол нөлөөтэй. Мөн вандуй нь уураг ихээр агуулдаг тул хүүхдийн хоол хүнсэнд хэрэглэхэд өсөлт хөгжилтөнд нь таатай нөлөө үзүүлдэг байна. Мөн цусны даралтыг тэнцвэржүүлж, зүрхэнд сайн нөлөө үзүүлдэг.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)