Д.Амартүвшин: Цагийн хязгаарлалтаас болж бүх зүйлээ алдаж байна

Зарим аж ахуйн нэгж цагийн хязгаарлалтыг эсэргүүцэж байгаа талаар хэвлэлийн хурал хийлээ.

Иргэн Н.Булгантамир "Цагийн хязгаарлалтаас болж аж ахуйн нэгжүүд өр, түрээсийн дарамтад орж байна. Миний хувьд нийгмийн даатгалын шимтгэлээ хүртэл төлж чадахгүй байдалтай байна. Маш олон газар нууцаар ажиллаж байгаа. Тэр газрууд бүгд хоёр жилийн хугацаанд алдагдсан банк, түрээсийн өрөө олох шаардлагатай учир ажиллаж байна. Миний бие өрийн дарамтаас болж банкны хар дансанд орсон. Мөн цаг хэтрүүлж ажилласан гэж гурван удаа торгуулсан. Хүнд үйлчилж, ажлын байр бий болгосноороо шүүхээр орж шийтгүүлж байгаадаа гомдолтой байна. Цаашид ажилаа хэвийн горимд шилжүүлж ажилламаар байна "гэв.

"Тэвчээр тасарлаа" хөдөлгөөний үүсгэн байгуулагч Д.Амартүвшин цагийн хязгаарлалтыг мөн адил эсэргүүцэж буйгаа илэрхийлсэн юм. Тэрээр, "Аж ахуйн нэгжүүд нэг газрыг 24 цагаар түрээслээд үйлчилгээ эрхлэх гэтэл төр өглөө найман цагаас шөнийн 12 цаг хүртэл ажилла гэж зааж байна. Цагийн хязгаарлалтаа зогсоох цаг болсон. Автобусаар хэдэн зуун хүн явж байгаа. Гэтэл орой үйл ажиллагаа явуулдаг 30-50 хүн ордог шөнийн цэнгээний газруудыг мэргэжлийн хяналт, цагдаагаас ирж торгодог асуудал байж болохгүй. Ер нь саяас дээш хүн амтай улс шөнийн гудамж, дэлгүүртэй байдаг. Гэтэл манай улс заасан цагтаа  баригдан түгжрэлд ихэнх цагаа зарцуулах боллоо. Бид цагийн хязгаарлалтаас болж бүх зүйлээ алдаж байгаа учир хоёр нүүртэй энэ шийдвэрээ зогсоохыг хүсэж байна" гэлээ. 

 

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. үнэн шдэ... ЖДУ , хувиараа бизнес эрхлэгчдээ дарамталж боохоо болиочээ

    0 0 Хариу бичих
  2. Тийм шүү. Одоо цагийн хязгаарыг болих хэрэгтэй. Амьдармаар байна

    0 0 Хариу бичих
  3. Tiinshd demjij bn!

    0 0 Хариу бичих